دموع جريدة
كنت بقكر ....
لما قابلتك جوه الصورة
قاعدة تبصّي عاللي بيحصل
من حواليكي وجوّه عينيكي .....
دمعة بتسأل وبتستغرب
نفس المشهد .....
شفته امبارح وبيتكرر
نفسي اسألكم .....
مش من حقي
اصبح ضحكة تلوّن
عينها
أو لعبايه .....
تلعب بيها إيديها السكر
مش من حقّي ؟
ــــ عايزه الحق
انا ماقصدتش ألمح صورتك
لمّا رميت الليل من جنبي
وقمت حضنت إيدين الصبح
اللي قصدته .....
أغسل وشي بكم ضحكاية
تزغزغ قلبي
ورحت فتحت جريدة يومي
وقلت أفتش بين صقحاتها
بس قابلتك .....
لأ معرقتش ادوّر عيني وقلب
صفحة جديدة ساعتها
بس لقيتني .....
قاعدة بذيــــــــــح في كلامها
الوقف بيني وبينك
عايزه أهد حيطان الصورة
واخدك وهرب
بس لمحت رصاصة بتجري .....
ناحية قلبك وصلت قبلي
ودمعة ف عيني نزلت تكتب .....
أسفة لأني غصب عني ماقدرش اضحك
ماقدرش اضحك .
من ايمان عبد النبي
ردحذفمبروك المدونة ويسعدنى انى اكون اول معلقة والقصيدة جميلة بس انتى عندك شوية اخطاء املائية بسيطة ، تقبلى مرورى وردى الزيارة
ردحذفالسلام عليكم
ردحذفبصراحة أدهشتيني !!!
على الأقل انك كاتبة شعر موزون بشكل احترافي , الايقاع لم يختل منك ولا مرة , برافوا عليكي بجد
تركيبة الصورة في حد ذاتها توحي بإنك بتكتبي بقالك فترة , تعبيراتك موفقة وبتعرفي ازاي تتعاملي مع الفكرة بشكل جميل
أهنيكي بجد يا ايمان
(اسمك مش غريب عني أبدا !)
ايمان ابقي غيري نظام التعليقات, خشي في الاوبشن وغيريه, كدا صعب اوي
ردحذفقصيدة رائعة بجد كلماتك هزتنى من الداخل جاء النص ملئ بالعبارات الرائعة والوصف المتميز بجد استاذة ايمان قصيدة تحفة
ردحذفالى امام وارجو التواصل
لدى مدونتين واحدة للقصة القصيرة والتانية للمقالات بحلم ببكرة
شكرا
مبروك المدونة يا إيمان
ردحذفالقصيدة فعلا جميلة و للأسف ما نملكش غير القصايد نقدمها
تحياتي
معدش فى الجرايد حاجة تسر،ولا فى برامج التوك شو كمان..الله المستعان على ما تصفون..تحياتي لكِ ولتعبيراتك الملهمة ولغتك الرقيقة..على فكرة الصورة توجع قوى، ولو انى عارفة انى فيه صور تانية ابشع بكتيييير.دومى بخير.
ردحذفأشكرك موني عالزيارة ونردهالك في الافراح وان كان
ردحذفعالصور المره الجايه هاحطلك ابشع من كده بس خليك معايا وانت تشوقي .
محمد سلامة دانت اللي تحياتي عاش من شافك
ردحذفده القريب والبعيد زاروني
وانت اللي روحت وقلت عدّولي
ماشي ياعم شكرا .
السلام عليكم ورحمه الله وبركاته
ردحذفالف مبروك على الانظلاق فى عالم التدوين ومشاءا الله القصيده جميله وفعلا كل يوم بنشوف نفس الصور ربنا يارب يهدى ويحقق السلام يارب ربنا يبارك فيكى ومنتظرين منك المزيد تحياتى
ألف مبروك علي المدونة وأتمني لكِ التوفيق وبداية طيبة بهذة القصيدة الجميلة في موضوعها وفي موسيقاها .
ردحذفتقبلي تحياتي
اشكرك حياة بلا عنوان قوي علي زيارتك ليه
ردحذفويارب يبارك لك يارب .
اشكرك قوي ياهيثم علي زيارتي
ردحذفوياريت تزورني في القصايدالجايه .
بصى انا مش عارف ده شعر ولا لأ لأنى مش متخصص فى حاجة زى كدة
ردحذفلو قصة كنت أقدر أفيدك أكتر
انا بشكرك جدا على رأيك فى المدونة بتاعتى
واتنى نكون اصدقاء
ياريت تغيرى اللون الاسود
ردحذفطب اغير الاسود ليه ياواحد يعرفك
ردحذفسووووووووري يعني اصلك مش عايز تقول اسمك
وبعدين اللون الاسود ده لون متفاقل جدا .
مبروك المدونه
ردحذفواضح انك موهوبه .... الكلمات جميله ...... دايما للأمام
قصيدة جميلة يا ايمان وطبعا انا حظى كويس انى سمعتها منك بصوتك اكثر من مرة
ردحذفوده يفرق كتير لانك لما بتلقى قصائدك بتكونى حساسة جدا وبتوصلى كلماتك باحساس عالى
بس حاولى تراجعى القصيدة قبل النشر على المدونة لتلافى الاخطاء الاملائية
واخيراً الصورة الجديدة حلوة هو مين يا ترى اللى صورهالك
اكيد انا اعرفه
مرسي قوي علي زيارتك زوام وانا اسفه علي الاخطاء لاني فعلا ماراجعتهاش قبل ما انشرها
ردحذفواخيرا مش هاقدر اقولك مين المصور الجميل اللي صورني
احسن بقيت المدونين يجروا عليه وساعتها يسيب الشعر ويتجه للتصوير .
يسلملي نزف قلمك الرائع
ردحذفراقني التواجد في متصفحك الراقي
فلا تحرمينا من جديدكـ
خالص تحياتى ,,
السلام عليكم
ردحذفقرأت كلماتك المجروحه
فأعجبتنى كثيرا...
فيالها من كلمات
تنزف من كثره الاهات
من قلب ينبض فى السكون
ويناجى احساسى بنبضات
.
عجز قلمى فعلا عن وصف إبداع قلمك الجميل
.
أسمحيلى اكون متابع ليكى فى كل ما تبدعين هنا
.
.
كنت هنسى
مبرووووووووك كتير على المدونه
وانشاء الله نكون اصحاب متواصلين دايما مع بعض
مودتى :)
انت لسه هنا؟
ردحذفلا لا تعالى بسرعه عندنا
تيمون وبوبما عايزينك
كل ما تضحك اكتر كل تاكل بطاطا اكتر
هاكونا مطاطا
مش هتقدر تغمض عنيك
هاكونا مطاطا هديتنا لكل المدونين عشان نخرج من حاله النكد
هاكونا مطاطا تهييس للصبح
هاكونا مطاطا ... لااااا للملل
هاكونا مطاطا... قول لاء للهم
هاكونا مطاطا.... اوعى تزعل ابدااا
هاكونا مطاطا... ارمى الماضى ورا ضهرك
انسى الماضى اللى يغيظ
يلاااااااااا تعالى مستنى ايه
وياريت تضيف اللينك عندك
ومش هتندم ابدآ
مودتى
السلام عليكم
ردحذفاقدم خالص اعتذارى على تاخرى فى الزيارة
بصى بقة انا مبعرفش اقول كلام متخصص بس القصيدة عجبانى
اول مرة قريتها كنت عيزة اقولك حاجة بس مش فاكراها لما افتكر ابقى اقولك
تقبلى مرورى ومع خالص تحياتى
اه ملحوظة
ياترى هنفضلى معلقانا ونش هتنزلى حاجة تانى ولا ايه
ثانيا اللون الاسود تحفة ومتسمعيش كلام حد
كل عام وانتم بخير
ردحذفبمناسبة شهر رمضان المبارك
كل سنة وانتى طيبة
ردحذفرمضان كريم
أعلن عن مدونتك هنا و مزيد من المفاجأت
ردحذفhttp://www.el3zba.com/vb/showthread.php?t=3675